حطّ نفسك في مكآني لو اسوّيها [و اخونك]

أسعد آلله أوقاتكم بكل خير
هنآ نص فاح كل الجمال منه و : تسلطن

ونبضات في قلب الإبداع تسيل في شرايين الجمال ..!

آستمتعـوآ بهذآ النص الفخم..

ما سمعتك / اعتذر لك / عِيد واعزف لي فنونك
خلّني استوعب أكثر يمكن ( اتفهّم مُرآدك )

ايش قلت / تحسّ نفسك منكسر مخطوف لونك ..!
زين يعني وش عليّه منك ومن حالة سهآدك ..!

لو سمحت بدون تكفى ( ابتعد عنّي بكونك )
شوف لك حجّه جديده قولها عند اللي رادك

امّا أنا / اسمع كلامي زين وافتح لي اذونك
مُستحيل الوصل يرجع لو على عيني نفادك

كم ترجيتك تحاول تترك العِند وجنونك
قلت لك لا تندفع للنار تهدي لك رمادك

بعد تغريبة هجيرك وانكساري من ظنونك
صرت رُغم اني اصيله انكرك وانكر ودادك

لا تفكّرني ابترك دنيتي لجلك واصونك
لا تحسْب إنّي ابرجع انعش بوصلي كسادك

ما تجي رُبع الحقيقه لو أقول انّي بدونك
صرت الاقي نفسي اكثر صرت استطعم بعادك

يا شحيح الحظ للّي يلتجي يمّة حصونك
يحسبك صدر المعارك ما درى انّك في جهادك

ما تحدّ سيوف عزمك تنهزم انت ومزونك
تترك النار وجيوش الغدر يغدون بْلادك

ثمّ ترجع لي تندّم تعتذر تسكب هتونك
تصرخ بصوتك تنادي / لا تحرْميني مدادك

حطّ نفسك في مكآني لو اسوّيها و اخونك
تقدر انّك تعتذر للوجد / وتستعدي حدادك ..!

لا تجي حتى بضآعة خآطري عيّت زبونك
ما بقى بالقلب منفى يحتمل غلطة زنآدك

................... [ لا عاد ] . تطري للمواصل طريقه
................... ولا عاد تزهم صدق الإحسآس فيني

عدد المساهمات : 88 تاريخ التسجيل : 05/02/2010

لاهنتي ع الاختيار

صح لسانج و لسان قاايلها

قواج الله Wink

عدد المساهمات : 43 تاريخ التسجيل : 07/02/2010

الصراحة ابداع

الله يعطيج العااافية Laughing